ALI CHOKI APATA PIGO LA KUONDOKEWA NA MKE WAKE

Ndugu na majirani wa karibu wakiwa katika msiba wa mke wa Ali Choki, Shuwea Hamis ‘Mama Shuu’ baada ya kuugua kwa muda mrefu na kuaga dunia usiku wa kuamkia leo.

Mkurugenzi wa Extra Bongo akiwa na majonzi nyumbani kwake Toangoma, Kigamboni.

Waombolezaji wakiwa msibani nyumbani kwa Ali Choki.

MKURUGENZI wa bendi ya Extra Bongo, Ali Choki amepata pigo la kuondokewa na mke wake, Shuwea Hamis ‘Mama Shuu’ baada ya kuugua kwa muda mrefu kuaga dunia usiku wa kuamkia leo.

Akizungumza kwa masikitiko Ali Choki alisema mke wake ameugua kwa muda wa miezi tisa akiwa anasumbuliwa na mguu ambapo alitibiwa nchini India ikashindikana akarudishwa nyumbani mpaka mauti yalipomfika usiku wa kuamkia Jumamosi iliyopita.

“Ukweli nimeumia kwani mke wangu ndiye aliyekuwa mshauri wangu mkuu na ndiye kila kitu kwangu alikuwa akinisapoti kwenye kazi yangu ya muziki lakini ndiyo hivyo Mungu amempenda zaidi sina la kufanya,”alisema Ali Choki.

Aidha Choki alisema mipango ya mazishi ilifanyika nyumbani kwao Tuangoma Kigamboni na mazishi ya mkewe yatafanyika siku ya kesho saa kumi jioni katika makaburi ya Chang’ombe 

chanzo:globalpublishers